Ils dis d’acziun naziunals per ils dretgs da las persunas cun impediments han gì lieu per l’emprima giada dals 15 da matg fin ils 15 da zercladur 2024 ed han mess in accent impurtant per ils dretgs da persunas cun impediments en Svizra. En tut ils chantuns han autoritads e represchentantas e represchentants da la societad civila organisà occurrenzas per in vast public. Tut en tut èn 1’000 acziuns vegnidas planisadas e realisadas communablamain.
Ils dis d’acziun naziunals per ils dretgs da las persunas cun impediments èn vegnids evaluads. L’evaluaziun è cunzunt sa basada sin las indicaziuns dals varga 70 manaders e manadras en ils chantuns sco er da commembras e commembers da las gruppas directivas ed accumpagnantas ch’ils chantuns han convocà u consultà. Ils resultats da l’enquista han relevà la vista dals teams da la direcziun da project che consistiva da las administraziuns e da la societad civila. Quest tip da direcziun da project è in novum per la Svizra!
«Ils dis d’acziun ans han intimà ed animà da sviluppar mesiras inclusivas concretas e persistentas.» Quest citat d’ina direcziun da project sin plaun chantunal è ina resposta exemplara sin la dumonda, tge lecziuns ch’ins haja emprendì dals dis d’acziun.
Ils proxims dis d’acziun han lieu l’onn 2027 e vegnan puspè organisads communablamain da la Confederaziun, dal CDAS e dals chantuns. Suenter sa repetan els mintga dus fin trais onns 2029, 2032, 2034 …
Videoclip da l’occurrenza d’avertura dals 15 da matg 2024 a Turitg: Occurrenza d’avertura dals Dis d’acziun per ils dretgs da las persunas cun impediments dals 15 da matg 2024 a Turitg
La festa da finiziun dals 15 da zercladur 2024 a Genevra:
https://avenir-inclusif.ch/ge/ceremonie-nationale-de-cloture-des-journees-daction-2024/
Controlla dal success (tudestg): https://zukunft-inklusion.ch/wp-content/uploads/Nationale-Aktionstage-Behindertenrechte-2024-Evaluationsbericht.pdf
Contact: Giulia Brogini (direcziun generala dal project), Uffizi federal per l’egualitad da persunas cun impediments UFPI, giulia.brogini@gs-edi.admin.ch, +41 79 322 19 70