L’Institut d’assicuranza sociala dal chantun Grischun (IAS) è in institut independent dal dretg public cun sedia a Cuira. L’Uffizi da l’AI fa part da l’IAS Grischun. El ademplescha sia incumbensa en il rom da la Lescha federala davart l’assicuranza d’invaliditad.
Las cussegliadras ed ils cussegliaders professiunals da l’Uffizi da l’AI sustegnan umans cun ina restricziun da la sanadad da (puspè) s’integrar sin il martgà da lavur. La finamira è da (puspè) abilitar las persunas assicuradas da pratitgar in’activitad professiunala adattada a lur restricziun. L’Uffizi da l’AI contribuescha uschia essenzialmain a l’inclusiun d’umans cun in impediment.