Chaussas generalas
Las infurmaziuns qua sutvart dattan ina simpla survista da quai che capita cun Vossas datas persunalas, cura che Vus visitais nossa pagina d’internet. Datas persunalas èn tut las datas che sa refereschan ad ina tscherta persuna natirala u ad ina persuna natirala identifitgabla.
L’utilisaziun da questa pagina d’internet generescha datas persunalas. Per part èn las datas persunalas necessarias per motivs tecnics, autras datas persunalas vegnan eruidas intenziunadamain per obtegnair infurmaziuns davart la moda d’utilisaziun e per pudair adattar la purschida permanentamain als basegns da las utilisadras e dals utilisaders.
Nus elavurain datas persunalas en il rom da la Lescha federala davart la protecziun da datas (LDP).
Post responsabel
La responsabladad per l’elavuraziun da las datas da questa pagina d’internet ha:
Uffizi dal servetsch social chantunal dal Grischun
Integraziun da persunas cun impediments, Daniel Kistler
Grabenstrasse 8
7000 Curia
E-Mail: WVd0MGFXOXVjM1JoWjJVbE5EQnpiMkV1WjNJdVkyZz0=
Telefon: +41 81 257 26 54
Transmissiuns live e da conferenzas
Tar tschertas occurrenzas, sco per exempel conferenzas da medias, purschain nus transmissiuns da video directas. Per quest intent utilisain nus servetschs da streaming e da conferenzas externs (p.ex. Teams u Zoom). Cun clamar si u participar vegnan transmessas Vossa adressa IP e las infurmaziuns da Voss apparat. Tut tenor purschider pon las datas er arrivar en ils Stadis Unids da l’America. Cun la participaziun acceptais Vus las disposiziuns davart la protecziun da datas dal purschider respectiv.
Analitica web (Matomo)
Questa pagina d’internet utilisescha ina instanza da la software open source Matomo (matomo.org), che nus gestiunain sezs, per mesirar la distanza da recepziun. La software è configurada uschia, ch’i na vegnan arcunads nagins cookies sin Voss apparat final.
Per analisar confurm a la protecziun da datas il cumportament d’utilisaziun vegn Vossa adressa IP anonimisada immediatamain suenter la registraziun. L’identificaziun dals singuls visitaders vegn uschia exclusa. Plinavant vegn il tracking impedì automaticamain, sche Vus avais activà en Voss browser la configuraziun «Do Not Track».
Google Analytics e servetschs da reclama
Nus utilisain il Google Tag (gtag.js) da Google Ireland Ltd. per analisar nossa pagina d’internet sco er per optimar la reclama online. En quest connex pon datas vegnir transmessas a Google LLC en ils Stadis Unids. Cun utilisar la pagina d’internet resp. cun confermar/serrar il banner da cookies acceptais Vus questa elavuraziun da datas ed ils cookies respectivs. Questa registraziun pudais Vus deactivar da tut temp sur las configuraziuns da reclama da Google u sur in add on dal browser (plugin da deactivaziun dal browser). Ulteriurs detagls chattais Vus en la Decleraziun davart la protecziun da datas da Google.
Entrada en contact per e-mail
En cas d’ina entrada en contact sur las adressas dad e-mail che stattan a disposiziun sin nossa pagina d’internet, vegnan arcunadas las datas persunalas da l’utilisadra u da l’utilisader che vegnan transmessas cun il e-mail. Senza Voss consentiment na dain nus betg vinavant Vossas datas persunalas a terzs. Exceptada da quai è la transmissiun a furniturs da servetsch engaschads, che nus avain obligà contractualmain d’observar la protecziun da datas (elavuraturs incumbensads), uschenavant che quai è necessari per ademplir la prestaziun.
Newsletter
Sche Vus As annunziais per nossa newsletter, utilisain nus Vossa adressa dad e-mail mo per quest intent. La spediziun vegn fatga sur in furnitur svizzer da servetschs da newsletters. Quest furnitur da servetschs arcunescha las datas sulettamain sin servers en Svizra. La newsletter pudais Vus visar da tut temp: ubain sur il link da visada che figurescha en mintga newsletter ubain cun entrar directamain en contact cun nus.
YouTube
Ils videos che nus preschentain sin nossas paginas d’internet, èn integrads via YouTube API sur la domain www.youtube-nocookie.com che ha ina protecziun da datas extendida. Sin nossa pagina d’internet vegn dumandà il consentiment da las utilisadras e dals utilisaders, avant ch’i vegn stabilì ina colliaziun cun YouTube ed avant ch’il video vegn mussà. Cun chargiar e laschar ir in video da YouTube integrà vegnan tschertas datas (p.ex. Vossa adressa IP, infurmaziuns davart l’apparat ed identificaturs utilisads da Google) transmessas al purschider Google LLC en ils Stadis Unids (resp. Irlanda).
Voss dretgs
En il rom da la Lescha federala davart la protecziun da datas avais Vus il dretg da survegnir infurmaziuns davart Vossas datas persunalas che vegnan elavuradas da nus, il dretg da la rectificaziun da datas betg correctas, il dretg da survegnir u da surdar Vossas datas (portabilitad da datas) sco er il dretg da stizzar resp. destruir Vossas datas persunalas. Ultra da quai pudais Vus da tut temp As opponer ad ina elavuraziun da Vossas datas. Per far valair Voss dretgs, As drizzai per plaschair al post responsabel numnà qua survart.
Actualitad e midada
Questa Decleraziun davart la protecziun da datas po vegnir adattada da tut temp. I vala mintgamai la versiun actuala publitgada sin nossa pagina d’internet.