Center da stgargiada
Qua chattais Vus differents meds da reclama per ils dis d’acziun 2024 en rumantsch. Ils meds da reclama datti er en talian e tudestg.
- Logo (scrittira naira)
- Logo (scrittira alva)
- Placat (A4, A3, F4)
- Flyer A5
- Placat animà per moniturs electronics
- Link Youtube dal placat animà per la colliaziun sin ina pagina d’internet
Participai cun in’acziun
La fanestra d’annunzia per ils Dis d’acziun per ils dretgs da las persunas cun impediments 2024 è averta. Per savair dapli, consultai noss fegl d’infurmaziun. Inoltrai Vossa acziun e daventai ina part dad «Futur inclusiun». Fin d’annunzia per acziuns: 15 da favrer 2024. Qua arrivais Vus tar l’annunzia.
Nus avain preparà fegls d’infurmaziun per As gidar a concepir Vossas acziuns. Quests fegls d’infurmaziun dattan cussegls pratics ed instrucziuns per planisar e per realisar Vossa acziun.
- Fegl d’infurmaziun Lingua ed impediment
- Fegl d’infurmaziun Planisar occurrenzas senza obstachels
- Fegl d’infurmaziun Lingua simpla
- Fegl d’infurmaziun Social media
- Fegl d’infurmaziun Construcziun d’ina rait
Participar ad in project en 5 pass
Sche Vus vulais participar cun in’acziun ad «Futur inclusiun», stuais Vus far in pèr pass. L’emprim stuais Vus inoltrar l’acziun cun noss formular d’annunzia. Suenter examinain nus, sche l’acziun correspunda a noss criteris da qualitad. Sche l’acziun vegn acceptada, survegnis Vus ina conferma cun in numer d’acziun sco er il formular d’endataziun. Cun il formular d’endataziun registrais Vus ils detagls da l’acziun, per che nus als possian publitgar sin la pagina d’internet «Futur inclusiun».
Sche Vus avais dumondas, pudais Vus As annunziar tar nus. Nus As cussegliain gugent ed intermediain contacts cun autras persunas.
Faschai reclama per ils Dis d’acziun per ils dretgs da las persunas cun impediments 2024
Discurri davart ils dis d’acziun e davart las acziuns multifaras. Faschai attent a las pussaivladads da participaziun ed ans suandai ils dis d’ acziun 2024 sin social media.