Sco partenaria da furmaziun da las VFF, da la BLS, da la Viafier retica e da la federaziun dal traffic public (TP) sco er da 70 ulteriuras interpresas dal sectur da mobilitad porscha login Furmaziun professiunala SA emprendissadis, praticums e furmaziuns supplementaras che s’orienteschan al martgà. Cun ina vasta purschida da 25 differents emprendissadis professiunals avra login ina vasta paletta da pussaivladads da sa sviluppar professiunalmain en interpresas da differentas grondezzas.
La scolaziun ha lieu directamain al plaz da lavur tar ina da nossas interpresas partenarias. Passa 2100 emprendistas ed emprendists sa preparan mintg’onn per lur diploms renconuschids da la Confederaziun. En il team da la regiun ost, domicilià a Landquart, s’engaschan tschintg collavuraturas e collavuraturs per la scolaziun da 200 emprendistas e emprendists en passa 17 emprendissadis professiunals. Per s’infurmar davart las professiuns variadas ed interessantas tar login e tar noss partenaris faschain nus ina visita sut www.login.org.