A Cuira vegn giugà teater gia daditg. Da quai dat per exempel perditga il “Gieu mundial da Cuira” da l’onn 1517. In manaschi da gieu reglà è dentant cumprovà pir dapi l’onn 1876. Impurtanza ha survegnì il teater da la citad da Cuira durant la direcziun dal fugitiv tudestg Hans Curjel 1945 fin 1948, durant ses temp d’uffizi è vegnì creà “Antigone” da Bertolt Brechts. Dapi 1959 sa chatta il teater en il lieu actual en in anteriur arsenal a la Grabenstrasse. La fin dals onns 90 è succedida ina midada pli gronda da la furma actuala, da nov ha Fabio Hendry concepì il Foyer e la bar.
Fin l’onn 1992 ha il teater da la citad da Cuira manà in agen ensemble, per ina votaziun dal pievel èsi vegnì prescrit ad el in manaschi da gieu ospitant. Pir dapi l’onn 2008 ha il teater da Cuira in’atgna furma giuridica sco fundaziun. L’istorgia la pli giuvna dal Teater Cuira è stada marcada dals intendant Markus Luchsinger (2006-2009) ed Ute Haferburg (2010-2020) che han posiziunà da nov la chasa cun atgnas producziuns e coproducziuns sin plaun naziunal ed internaziunal. Daspö 2020/21 maina Roman Weishaupt la direcziun dal Teater Cuira.