La Turissem Engiadina Scuol Samignun Val Müstair SA (TESSVM SA) è l’organisaziun turistica regiunala da las trais regiuns da vacanzas Engiadina Scuol Zernez, Samignun e Val Müstair. Per incumbensa da las acziunarias e dals acziunaris promova la TESSVM en emprima lingia la dumonda da purschidas e da prestaziuns turisticas. Al lieu è ella – ensemen cun ils acturs e cun ils partenaris – responsabla per il svilup dals products e per la tgira dals giasts. En quest connex metta la TESSVM sin in turissem persistent en tut las trais dimensiuns per in avegnir prosperaivel da la regiun. Uschia contribuescha ella al fatg che la destinaziun sa sviluppia en moda economica, ch’i dat in ambient da viver e da vacanzas attractiv areguard ils aspects socials (cultura, societad, qualitad da viver) e ch’ils spazis da viver natirals per umans ed animal vegnan mantegnids cun ina gronda qualitad da la cuntrada. Sco emprimas destinaziuns en Svizra èn vegnidas undradas las duas regiuns da vacanzas Engiadina Scuol Zernez e Val Müstair cun il label
“Nachhaltiges Reiseziel” da TourCert. Ultra da quai ha la TESSVM survegnì l’onn 2023 sco emprima destinaziun la distincziun “Swisstainable Destination” – nivel III (leading), quai che correspunda al stgalim il pli aut.
Dis d’acziun per ils dretgs da persunas cun impediments 15 da matg fin ils 15 da zercladur 2024
Dis d’acziun per ils dretgs da persunas cun impediments 15 da matg fin ils 15 da zercladur 2024