Valposchiavo Turismo (VT) è l’organisaziun turistica da la Valposchiavo (regiun Bernina). Per incumbensa da las duas vischnancas da Brusio e da Puschlav è la VT responsabla per il marketing turistic e per il svilup turistic da l’entira regiun. En il center da quest fatg stat in engaschament ferm per la persistenza en tut ils trais secturs: ecologia, economia e societad. Tenor l’avis da la VT sto il turissem prestar ina contribuziun positiva per tut ils trais secturs. Da l’autra vart sa concentrescha la VT sin il svilup dal product turistic, q.v.d. sin las experientschas dals giasts al lieu. La finamira dal VT è da liar ils giasts a lunga vista tras ina purschida d’auta qualitad e da far daventar els vairs ambassadurs da la Val Puschlav. La VT è organisada sco uniun, il team sa cumpona da sis persunas e d’ in praticant.
Dis d’acziun per ils dretgs da persunas cun impediments 15 da matg fin ils 15 da zercladur 2024
Dis d’acziun per ils dretgs da persunas cun impediments 15 da matg fin ils 15 da zercladur 2024