Sin l’enconuschenta senda na pudais Vus betg mo pavlar las bestgas purilas, mabain er chattar infurmaziuns captivantas davart ils stgilats sparids. Ultra da las tavlas infurmativas davart la vita dals stgilats sa zuppa er l’istorgia da la banda d’urs per lung dal stgilat.
L’engrondiment da la purschida per persunas tschorvas e per persunas cun impediments da vesida è in project da Grischun vacanzas e da las destinaziuns Arosa, Engiadina Scuol Zernez, Surselva e Val Surses en stretga collavuraziun cun la federaziun svizra per persunas tschorvas e cun la secziun grischuna. En il rom dal project vegnan ultra da la via da ruver er fatgas vivas la via d’aua minerala “tras il god” a Scuol, la via d’audio Hilarius a Sursaissa e la Sagenweg a Beiva per persunas tschorvas ed impedidas da la vesida.
