Cun la strategia da persistenza Arosa 2030 che cumpiglia l’ entira regiun, tutga la persistenza ed il turissem innovativ e s’ unescha ad in futur adattà per Arosa. Cun la visiun d’esser ina da las destinaziuns las pli persistentas da las Alps e d’ esser ina da las trais regiuns da vacanzas las pli dumandadas da la Svizra, sa sviluppa la destinaziun a maun dals princips ecologics, socials ed economics e surpiglia responsabladad en il rom da la governance.
L’inclusiun è ina da las prioritads tschernidas e fa che Arosa daventa ina destinaziun per tuts. En las directivas èsi fixà che la libertad da barrieras, il tractament egual e la
diversitad e l’egualitad da las schanzas èn princips impurtants che vegnan vivids e tgirads da tut las acturas e da tut ils acturs. Vacanzas e lavurs èn pussaivlas ad Arosa per
tuttas e per tuts, independentamain da schlattaina, da l’ etnia, da l’ orientaziun sexuala, da la religiun, da la vegliadetgna u d’ in eventual impediment resp. da la restricziun.