L’uffizi dal servetsch social chantunal dal Grischun (USo) s’engascha per la segirezza sociala e per l’integraziun.
L’uffizi dal servetsch social garantescha prestaziuns che sustegnan l’integraziun sociala e professiunala sco er la participaziun sociala e l’existenza da differentas persunas:
– Famiglias, uffants e giuvenils
– Persunas cun impediments
– Umans cun dischavantatgs socials ed economics
– Victimas da violenza (a chasa)
– Umans cun problems da dependenza
L’uffizi dal servetsch social planisescha, promova e surveglia las purschidas e las structuras che correspundan als basegns cun atgnas purschidas da cussegliaziun ed en collavuraziun cun divers partenaris. Ultra da quai accumpogna l’uffizi dal servetsch social svilups en ils fatgs socials.