Pro Infirmis è in center da cumpetenza per dumondas en connex cun l’impediment. Nus cussegliain, accumpagnain e sustegnain umans cun impediments e lur confamiliars e spezialistas e spezialists. Pro Infirmis cusseglia, accumpogna e sustegna en tut la Svizra umans cun impediments e lur confamiliars.
Sco organisaziun spezialisada per persunas cun impediments ans engaschain nus per autodeterminaziun e per integraziun. Il teater MiMe – Mit Menschen – ei in project da la Pro Infirmis Grischun. Il Theater MiMe ei vegnius creaus igl onn 2004 e metta oz sia sedeschavla producziun sin tribuna. Mintg’inscenaziun resulta da las improvisaziuns da tut las acturas e tut ils acturs, da las sautunzas e dals sautunzs sco era da las musicistas e dals musicists. El center stattan ideas, fantasias ed abilitads individualas. Nus n’ans laschain betg impedir.