Center da cumpetenza per persunas cun impediments
Tgira e promoziun confurma als basegns en la Tumleastga – per dapli qualitad da viver.
La Fundaziun Scalottas porscha en 13 gruppas d’abitar 12 plazzas per uffants e 73 plazzas per carschids cun impediments spiertals e multipels. Da quellas èn duas gruppas d’abitar spezialmain per umans cun ina blessura dal tscharvè ed ina gruppa d’abitar externa per umans cun in disturbi dal spectrum d’autissem u cun basegns structurals sumegliants.
Durant 365 dis l’onn garantescha in team cumpetent l’assistenza e la tgira orientada als basegns ed a las resursas. Nossa finamira è da porscher a las abitantas ed als abitants in spazi da viver, nua ch’ellas e ch’els pon sa sviluppar cun ina promoziun adattada individualmain tenor lur pussibilitads e lur basegns.
Var 200 collavuraturas e collavuraturs en 28 professiuns s’engaschan per las finamiras da la fundaziun. Sco patruna impurtanta da la regiun metta la Fundaziun Scalottas la cumpetenza ed il svilup e porscha plazzas da lavur e da scolaziun attractivas e raschunaivlas.
L’ustaria Scalottas ch’è integrada en l’instituziun es ün lö d’inscunter. In cuschina vegnan preparadas tratgas equilibradas e variadas per las abitantas ed ils abitants sco eir per noss giasts.